पठाओ सेवा प्रयोग गर्दा गायिका त्रिशाला परिन् दुर्घटनामा

पुस २२, काठमाडौँ ।  नेपाली सांगितिक क्षेत्रमा  छुट्टै पहिचान बनाउन सफल गायिका त्रिशाला गुरुङ  मोटरसाइकल दुर्घटनामा परेकी छिन् । 

विभिन्न कभर गीतहरु गाएर  छुट्टै पहिचान बनाएकी त्रिशालाले आफू दुर्घटना परेको कुरा सामाजिक संजाल मार्फत जानकारी गराएकी हुन् ।    

उनले साजिक संजाल फेसबुक मार्फत आफू पठाओ सेवा प्रयोग गर्दा दुर्घटनामा परेको पनि जानकारी गराएकी हुन् । तर उनले दुर्घटनाका लागि पठाओ सेवा र चालकलाई दोष दिन भने नचाहेको उनले स्पष्ट पारेकी छिन् । 

उनले पछाडि बस्नेलाई पनि हेल्मेट दिने वा अनिवार्य रुपमा हेल्मेट  लगाउनै पर्ने नियम बनाए यस्ता सेवा अझै राम्रो हुने भन्दै उनले पठाओलाई सल्लाह समेत दिएकी छिन् । 

दुर्घटनाका कारण उनको निधारमा चोट लागेको छ भने एउटा आँखा पनि निलो भएको छ भने  हत्केला र हातमा पनि चोट लागेको  छ ।