बिराटनगरमा डुबेको अवस्थामा लेखापरीक्षकको शव फेला
फाइल फाेटाे
माघ ७, बिराटनगर । मंगलबार बिहान विराटनगरमा खोलामा डुबेको अवस्थामा एक जना लेखापरीक्षकको शव फेला परेको छ ।
प्रहरीका अनुसार विराटनगर महानगरपालिका–२ तीन पैनी घर भएका ५० वर्षीय प्रवल घिमिरेको शव खोलामा डुबेको अवस्थामा फेला परेको हो ।
मृतक घिमिरे प्रवल एण्ड एसोसिएट फर्मका सञ्चालक तथा लेखापरीक्षक रहेको खुल्न आएको छ ।
प्रहरीका अनुसार सोमबार बेलुका साथीले बोलाएपछि मोटरसाइकलमा घरबाट निस्कीएका घिमिरे साथीको गाडीमा आमाज बेकरी हुँदै होटल मुन पुगेका थिए । घरबाट फोन आएपछि उनी घर जाने भन्दै निस्किएका थिए । घर जाने भन्दै निस्किएका उनी अबेरसम्म पनि घरमा नआएपछी परिवारले उनलाई फोन गर्दा उनको मोवाईल अफ आएपछी उनको परिवारले प्रहरीमा जानकारी गराएको थियो ।
घिमिरेका आफन्त दिपक चापागाईंले रातिदेखि मोबाइल अफ रहेको बताउँदै घटना शंकास्पद रहेको बताए । घटनाबारे अनुसन्धान भईरहेको जिल्ला प्रहरी कार्यालय मोरङले जनाएको छ ।