बालिका अपहरण गरी १६ लाख फिरौती माग गर्ने एक जना पक्राउ

माघ १९, काठमाडौं । बालिका अपहरण गरी १६ लाख फिरौती माग गर्ने एक जना पक्राउ परेका छन् । भक्तपुरको सूर्यविनायक–५, निकोशेरामा रहेको ग्लोरी इंलिस स्कुलको यूकेजीमा पढ्ने ६ वर्षीया बालिकाको अपहरण गरी १६ लाख फिरोती माग गर्ने सर्लाहीको लालबन्दी–५ घर भइ बोडेमा बस्ने २० वर्षीया आशिष थापा पक्राउ परेका हुन् ।   

आइतबार दिउँसो अपहरणको सूचना प्राप्त भएलगत्तै खोजिका लागि प्रहरी परिचालित भएको थियो । 

उनी अपहरण भएको ५ घन्टापछि पक्राउ परेका हुन् । उनलाई महानगरीय अपराध अनुसन्धान महाशाखा, टेकु र महानगरीय प्रहरी वृत्त, ठिमीको टोलीले पक्राउ गर्न सफल भएको हो । 

null

उनले फिरौतीवापतको रकम ठिमीमा रहेको भाटभटेनीमा ल्याएर दिन भनेका थिए । 

प्रहरीका अनुसार, बालिकालाई घ्याम्पे डाँडामा लगेर पछाडि हात बाँधेर राखिएको थियो । बालिका कराउन थालेपछि थापा बालिकालाई छाडेर भागेको र त्यहाँ घुम्न गएका मानिसले उनलाई अध्ययन गर्ने स्कुलमा छोडिदिएको बताइएको छ ।