कोरोना भाइरस संक्रमणबाट उहान अस्पताल निर्देशकको निधन

फागुन ६, एजेन्सी । कोरोना भाइरसको उद्गमस्थल चीनस्थित उहानको उचाङ्ग अस्पतालका निर्देशक लिउ झिमिङको निधन भएको छ ।  

चिनियाँ सरकारी टेलिभिजन सिसिटिभीले  मंगलबार बिहान उनको निधन भएको जानकारी दिएको हो । 

कोरोना भाइरसद्वारा संक्रमित झिमिङको उपचारको क्रममा स्थानीय समयानुसार बिहान साढे १० बजे निधन भएको बताइएको छ । 

करिब दुई हप्ताअघि कोरोना भाइरसको महामारीबारे पहिलोपटक चेतावनी दिने डाक्टर लि वेन्लियाङको पनि निधन भएको थियो ।