‘ट्रम्पको हत्या गर्न आएको हुँ’ भन्ने २५ वर्षीय युवक पक्राउ
![](https://www.makalukhabar.com/wp-content/uploads/2023/10/Final-icon-Logo-2023.png)
२०७६ माघ २७ गते
![](https://www.makalukhabar.com/wp-content/uploads/2021/01/nophoto.png)
माघ २६, काठमाडौँ । अमेरिकाको राष्ट्रपति डोनाल्ड ट्रम्पको हत्या गर्ने धम्की दिदैँ ह्वाइट हाउसमा चक्कु सहित पुगेका एक युवकलाई प्रहरीले पक्राउ गरेको छ ।
वासिङ्टन डिसी मेट्रोपोलिटन प्रहरीका अनुसार फ्लोरिडा निवासी २५ वर्षीय रोजर हेजपेथलाई पक्राउ गरिएको हो ।
उनका अनुसार हेजपेथले ह्वाइट हाउसबाहिर रहेका अमेरिकी गुप्तचर सेवाका अधिकारीसमक्ष ‘म यहाँ अमेरिकी राष्ट्रपति डोनाल्ड ट्रम्पको हत्या गर्न आएको हुँ’ भन्दै चक्कु सहित त्यहाँ पुगेका थिए ।
पक्राउ परेका हेजपेथको मानसिक अवस्था ठीक नभएकोले उनलाई मानसिक अस्पताल लगिएको गुप्तचर विभागका अधिकारीले जानकारी दिएका छन् ।
उनको मानसिक स्वास्थ्य अवस्थाको परीक्षण पछि उनीमाथि थप कारवाही प्रक्रिया अघि बढाईने प्रहरीले जनाएको छ ।
![](https://www.makalukhabar.com/wp-content/uploads/2023/10/Final-icon-Logo-2023.png)
२०७६ माघ २७ गते
प्रतिक्रिया
सम्बन्धित