नाइजेरियामा चार सहकर्मीको हत्यापछी सिपाहीले गरे आत्महत्या

फागुन १५, काठमाडौँ । नाइजेरियामा  बुधबार सेनाका एक जना सिपाहीले चार सहकर्मीको हत्या गरेपछी आफूले पनि आत्महत्या गरेका छन् ।   

यस घटनामा उक्त सेनाले चलाएको बन्दुकको गोलीबाट अरु थप दुई जना समेत घाइते भएको  नाइजेरियाली सेनाले जारी गरेको विज्ञप्तिमा उल्लेख गरिएको छ ।   

हिंसाग्रस्त बोर्नो प्रान्तमा सेवारत उक्त सिपाहीको गोली लागि घाइते भएकाहरुको बोर्नोको राजधानी माइदीगुरी सैनिक अस्पतालमा उपचार भइरहेको सैनिक प्रवक्ता सागिर मुसाले जानकारी दिए ।   

उनले हाल घाइतेहरुको अवस्था सामान्य रहेको बताउँदै घटनाका बारेमा छानबिन शुरु गरिसकिएको बताए ।