सुनसँगै बढ्यो चाँदीको भाउ पनि

माघ २३, काठमाडौं । बिहिबार स्थिर रहेको सुनको भाउ आज साताको अन्तिम दिन शुक्रबार तोलामा ४ सय बृद्धी भएको नेपाल सुनचाँदी व्यवसायी महासंघले जनाएको छ ।   

बिहिबार प्रतितोला  ७५ हजार २ सय रुपैयाँले कारोबार भएको छापावाल सुन आज प्रतितोला ७५ हजार ६ सय रुपैयाँले कारोबार भईरहेको महासंघले जनाएको छ । 

त्यसैगरी महासंघका अनुसार बिहिबार प्रतितोला  ७४ हजार ९ सय रुपैंयामा बिक्रिबितरण भएको तेजाबी सुनमा पनि आज तोलामा ४ सय रुपैयाँ बृद्धी भई प्रतितोला  ७५ हजार ३ सय रुपैयाँले कारोबार भईरहेको छ ।   

शुुक्रबार चाँदीको भाउमा पनि तोलामा १० रुपैयाा बृद्धी भई प्रतितोला ८ सय ८५ रुपैयाँमा कारोबार भईरहेको महासंघले जनाएको छ ।