ट्रम्प भ्रमणमा रहेकै बेला दिल्लीमा प्रदर्शन : प्रहरीसहित ५ जनाको मृत्यु
![](https://www.makalukhabar.com/wp-content/uploads/2023/10/Final-icon-Logo-2023.png)
![](https://www.makalukhabar.com/wp-content/uploads/2021/01/nophoto.png)
फागुन १३, काठमाडौं । अमेरिकी राष्ट्रपति डोनाल्ड ट्रम्प भारत भ्रमणमा रहेका बेला राजधानी दिल्लीमा भएको प्रदर्शनमा पाँचजनाको मृत्यु भएको छ । भारतीय सञ्चारमाध्यहरुका अनुसार सोमबार भएको प्रदर्शनका क्रममा एक प्रहरीसहित पाँचजनाको मृत्यु भएको हो ।
तीनजना सर्वसाधारण र एक प्रहरीको मृत्यु भएको छ । अर्का एकजनाको मृत्युको पुष्टि जिटिभीले अस्पताल गरेपनि त्यी पाँचौँ व्यक्तिका बारेमा विस्तृत विवरण सार्वजनिक भएको छैन ।
विवादास्पद नागरिकतासम्बन्धी नयाँ कानुनको विरोधमा भएको प्रदर्शनका क्रममा अन्य धेरै घाइते भएका छन् । घाइते भएका २४ जना भन्दा बढीको विभिन्न अस्पतालमा उपचार भइरहेको छ । दिल्लीको यमुना पार क्षेत्रमा प्रदर्शन भएको हो ।
ट्रम्प भारत भ्रमणमा रहेकै बेला भएको यो घटनालाई अन्तर्राष्ट्रिय सञ्चारमाध्यमले प्राथमिकता दिएका छन् । उत्तर पूर्वी दिल्लीको मुसलमान बाहुल्य रहेका स्थानमा गत वर्षबाट आन्दोलन सुरु भएको थियो ।
![](https://www.makalukhabar.com/wp-content/uploads/2023/10/Final-icon-Logo-2023.png)