कोरोना संक्रमणबाट अमेरिकामा पनि एकको मृत्यु

फागुन १८, काठमाडौं । कोरोना भाइरसको संक्रमणबाट अमेरिकामा पनि एक जनाको मृत्यु भएको छ । अमेरिकामा यो पहिलो घट्ना भएको त्यहाँस्थित अधिकारीहरुले जनाएका छन् । 

वाशिङ्टनको उत्तर पश्चिम सहरमा ५० वर्षीय पुरुषको मृत्यु भएको बताइएको छ । उनी यसअघिदेखि नै बिरामी रहेको बताइएको छ । राष्ट्रपति डोनाल्ड ट्रम्पले अमेरिका सबै परिस्थितिका लागि तयार रहेकाले कोरोना भाइरसबाट नआतिन अमेरिकीबासीलाई आग्रह गरेका छन् । 

अमेरिकाले चीनसँगै कोरिया र युरोपेली मुलुक इटालीबाट बच्‍न त्यहाँबाट आउने पर्यटकहरुमा कडाइ गरेको छ । चीनबाहेक कोरिया, इरान र इटालीमा कोरोना भाइरसबाट संक्रमित हुनेको संख्या दिनप्रति दिन बढिरहेको छ ।