बलात्कारका दोषी हलिउडका चर्चित फिल्म निर्मातालाई २३ वर्ष जेल

फाेटाेः गुगल 

फागुन २९ ।  हलिउडका विवादास्पद फिल्म निर्माता हार्वी वाइनस्टीनलाई बलात्कार र यौन उत्पीडनको मामलामा २३ वर्षको जेल सजाय सुनाईएको छ । 

वाइनस्टिनलाई गत महिना न्यूयोर्कमा दोषी ठहर गरिएको थियो । 

बुधबार ६७ वर्षीय वाइनस्टीन ह्विल चेयरमा अदालतमा पेश भए जहाँ उनका वकिलले सजायमा छुट गर्न अनुरोध गर्दै पाँच वर्षको न्यूनतम सजाय पनि उनका लागि आजिवन कारावासजस्तै हुने बताए । तर अभियोजन पक्षले जसरी एक लामो समयसम्म उनले महिलामाथि दुर्व्यवहार गरे र जसरी उनले यसका लागि पश्चाताप गरेको देखिएन, त्यो हेर्दा उनलाई अधिकतम सजाय दिनुपर्ने माग राखे । 

वाइनस्टीनले बुधबार पहिलो पटक अदालतमा केही बोल्दै भने, ‘मलाई गहिरो अफसोस छ तर मलगायत अन्य पुरुष मी–टू आन्दोलनका क्रममा जस्तो  प्रकारको बयान आए त्यसले उनीहरुलाई भ्रममा पारेको छ ।’ एजेन्सी