दार्जिलिङमा पहिरोमा परी एकै परिवारका तीन जनाको मृत्यु, छोरी मात्रै बाँचिन्
मकालु खबर
२०७६ चैत १ गते
पहिराेमा पुरिएका परिवारकाे शव निकाल्दै स्थानीय
चैत १, काठमाडौं । दार्जिलिङको रिम्बिक लोधो क्षेत्रको तामाङ गाउँमा पहिरोले पुरिएर एकै परिवारका ३ जनाको मृत्यु भएको छ ।
सुतिरहेका बेला आज (शनिबार) बिहान करिब ४ बजे घरमाथिबाट खसेको पहिरोमा परी उनीहरुको मृत्यु भएको हो ।
मृत्यु हुनेमा स्थानीय ३० वर्षीय निमा तामाङ (श्रीमान्) उनकी श्रीमती २७ वर्षीया चन्द्र तामाङ र ५ वर्षीय छोरो नियाल तामाङ रहेका छन् ।
छोरी सन्ध्या तामाङ भने केही दिनअघि फेञ्चेटारस्थित मामा घर गएका कारण बाँच्न सफल भएकी छिन् ।
पहिरोमा पुरिएका तीनै जनाको शव निकालिएको छ । पोस्टमार्टमका लागि तीनै शव दार्जिलिङ सदर अस्पताल पठाइएको स्थानीयले जानकारी दिएका छन् ।
मकालु खबर
२०७६ चैत १ गते
प्रतिक्रिया
सम्बन्धित