भिमढुंगाबाट ६ जना जुवाडे पक्राउ
मकालु खबर
२०७६ चैत २ गते
चैत्र २, काठमाडौं । काठमाडौंको भिमढुंगाबाट ६ जना जुवाडेलाई प्रहरीले पक्राउ गरेको छ ।
काठमाडौं महानगरपालिका–८ भिमढुंगा स्थित दिपक भट्टराईले सञ्चालन गरेको मासु पसलमा जुवा खेलिरहेको बेला महानगरीय प्रहरी वृत स्वयम्भुबाट खटेको टोलीले उनीहरुलाई पक्राउ गरेको हो ।
महानगरीय प्रहरी बृत्त स्वयम्भुका डिएसपी लालध्वज सुवेदीका अनुसार पक्राउ पर्नेमा धादिङ घर भएका लिला बहादुर तामाङ, काठमाडौंका माधव गिरी, बेद कुमार पौडेल, नुवाकोटका बहादुर तामाङ, संखुवासभाका इन्द्र बहादुर लिम्बु र जुवा खेलाउने काठमाडौंका दिपक भट्टराई छन् ।
null
जुवा खालबाट प्रहरीले २६ हजार रुपैयाँ र १२ गड्डी तास बरामद गरेको छ । उनीहरुलाई जुवाजन्य ऐन अनुसार कानुनी कारवाहीको लागि पक्राउ गरिएको छ ।
मकालु खबर
२०७६ चैत २ गते
प्रतिक्रिया
सम्बन्धित