ग्यास र उपभोग्य वस्तुको कालोबजारी गरे ५ वर्ष कैद
मकालु खबर
२०७६ चैत ७ गते
चैत्र ७, काठमाडौं । विश्वभर कोरोनाको महामारी र नेपालमा त्रास फैलिरहेका बेला उपभोग्य वस्तुको कालोबजारी गर्नेलाई सरकारले कारवाही गर्ने भएको छ ।
व्यापारीहरुले कालोबजारी गरिरहेको हल्ला चलिरहेका बेला उद्योग, वाणिज्य तथा आपूर्तिमन्त्री लेखराज भट्ट र मन्त्रालयका उच्च अधिकारीको बैठकले ग्यास लगायत उपभोग्य वस्तु कालोबजारी गर्नेलाई कारवाही गर्ने निर्णय गरेको हो ।
यो निर्णयसँगै अब कालोबजारी गरेमा ५ वर्षको कैद सजाय हुनेछ । साथै अन्य कानूनी कारवाही पनि गरिने छ ।
खाद्य व्यवस्था कम्पनी र साल्ट ट्रेडिङको तथा ठूला निजी खाद्य स्टोर, निगमको भण्डारण मौज्दात विवरण सार्वजनिक गर्ने, सबै जिल्लाको खाद्यान्न विवरण संकलन गर्ने र खाद्यान्न अभाव भए हेलिकप्टरबाट भए पनि ढुवानी गर्ने निर्णय पनि गरेको छ ।
मकालु खबर
२०७६ चैत ७ गते
प्रतिक्रिया
सम्बन्धित