सुनको भाउ आकाशियो, फेरि नयाँ रेकर्ड कायम गर्यो

फाेटाे स्राेतः गुगल 

फागुन २३, काठमाडौं । बुधबार मात्र तोलामा एक्कासी २ हजार २ सय रुपैयाँ बृद्धी भएर नयाँ रेकर्ड कायम गरेको सुनको भाउले आज फेरि तोलामा १८ सय रुपैयाँ बृद्धी भएर फेरि नयाँ रेकर्ड कायम गरेको छ ।   

बिहिबार  प्रतितोला ८० हजार ७ सय रुपैयाँमा कारोबार  भएको छापावाल सुन आज प्रतितोला ८२ हजार ५ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।  त्यसैगरी महासंघका अनुसार बिहिबार प्रतितोला ८० हजार ४ सय रुपैयाँले कारोबार भएको तेजाबी सुन पनि आज प्रतितोला ८२ हजार २ सय रुपैयाँ कायम भएको छ ।   

शुक्रबार चाँदीको भाउमा पनि तोलामा १० रुपैयाँ बृद्धी भएर प्रतितोला  ८ सय ९०  रुपैयाँ कायम भएको  महासंघले जनाएको छ ।