नेपालमा कोरोना संक्रमितको संख्या बढ्दो, आजपनि थपिए २

काठमाडौं । नेपालमा कोरोना भाइरस (कोभिड १९) संक्रमितको संख्या ४७ पुगेको छ । आज (बिहीबार) थप दुई जनामा संक्रमण पुष्टि भएसँगै संक्रमितको संख्या ४७ पुगेको हो ।

आज उदयपुरकी ५५ वर्षीया महिला र जनकपुरका १४ वर्षीय किशोरमा संक्रमण देखिएको स्वास्थ्य तथा जनसंख्या मन्त्रालयका प्रवक्ता विकास देवकोटाले जानकारी दिए ।

हिजोसम्म उदयपुरमा मात्रै २७ जना संक्रमित थिए भने आज एक जना थपिएसँगै त्यहाँ संक्रमितको संख्या २८ पुगेको छ । आजै दुई जना कोरोना संक्रमित डिस्चार्ज भएको पनि मन्त्रालयले जानकारी दिएको छ ।