आजदेखि लकडाउन थप कडा, सवारी पास लिएकालाई समेत क्रशचेक
मकालु खबर
काठमाडौं । कोरोना भाइरस रोकथामका लागि लागू गरिएको लकडाउनलाई आजदेखि थप कडा पारिएको छ । गृह मन्त्रालयको निर्देशन अनुसार ७७ वटै जिल्लामा लकडाउन थप कडा पारिएको हो ।
यसअघि हिजो गृह मन्त्रालयले सबै जिल्ला प्रशासन कार्यालयलाई परिपत्र गर्दै पासविनाका कुनै पनि सवारी साधन आवतजावतमा रोक लगाउन निर्देशन दिएको थियो । सोहीअनुसार लकडाउन कडा बनाइएको छ । प्रहरीले सडका हिँडेका र गुडेका सवारी साधनलाई नियन्त्रणमा लिएर कारबाही गर्न थालेको छ ।
महानगरीय ट्राफिक प्रहरी महाशाखाका प्रमुख एसएसपी भीमप्रसाद ढकालका अनुसार आजबाट थप कडाइ गरिएको हो । सवारी पास लिएरका सवारीलाई पनि उनीहरुको आवश्यकता हो होइन भनेर हेरेर मात्र चलाउन दिएको उनले बताए ।
लकडाउनलाई सरकारले वैशाख २५ गतेसम्म लम्ब्याएको छ । अहिलेसम्म मुलुकमा ५२ जनामा कोभिड(१९ सङ्क्रमण पुष्टि भइसकेको छ । १६ जना स्वास्थ्य लाभ गरी घर फर्किसकेका छन् ।
मकालु खबर
