स्वास्थ्य मन्त्रालयको प्रेस ब्रिफिङः आज पनि छैनन् नयाँ संक्रमित

वैशाख ५, काठमाडौं । आजको दिनसम्म कुल २४ हजार २ सय ५३ को आरडीटी र पीसीआर विधिबाट कोरोना भाइरस (काेभिड १९) काे परीक्षण गरिएको स्वास्थ्य तथा जनसंख्या मन्त्रालयले जनाएको छ ।  

मन्त्रालयको नियमित पत्रकार सम्मेलनमा प्रवक्ता विकास देवकोटाले यसबारे जानकारी दिएका हुन् । आज पनि नेपालमा नयाँ संक्रमित नभेटिएको उनले बताए ।  

हिजोसम्म ८ वटा जिल्लामा आरडीटी पुग्न बाँकी रहेको बताइएकोमा आजबाट २ वटा बाहेक सबै जिल्लामा आरडीटी सुरु भइसकेको प्रवक्ता देवकोटाले जानकारी दिए । उनका अनुसार पछिल्लोपटक ३० हजार बढी आरडीटी थपिएको छ ।  

आजको दिनसम्म क्वारेन्टाइनमा बस्नेको संख्या ४ हजार ६ सय ७ पुगेको छ भने ९० जना आइसोलेसनमा छन् ।