भारतबाट आएका थिए रुपन्देहीका कोरोना संक्रमित

काठमाडौं । आज कोरोना भाइरस संक्रमण पुष्टि भएका रुपन्देहीका २५ वर्षीय युवक भारतबाट आएको पाइएको छ ।

कोटहीमाई गाउँपालिका– १ का २५ वर्षीय युवक लकडाउनको समयमा वैशाख ५ गते भारतबाट घर आएको खुलेको हो ।

भारतबाट फर्किएलगतै उनी मर्चवार आदर्श वहुमुखी क्याम्पसको क्वारेन्टाइनमा बसेका थिए । संक्रमण पुष्टि भएपछि उनलाई आज बुटवलको कोरोना विशेष अस्थायी अस्पताल पुर्याइएको छ ।

आजै नेपालगञ्ज, बाँकेका ६० वर्षीय वृद्धमा पनि कोरोना संक्रमण पुष्टि भएको थियो । उनीहरु दुवैको अवस्था सामान्य रहेको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना संक्रमितको संख्या ५९ पुगेको छ ।