नेपालमा थप २ जनामा कोरोना संक्रमणको पुष्टि, संक्रमितको संख्या १०१ पुग्यो

काठमाडौं । आज दुई जनालाई कोरोना पोजेटिभ देखिएको स्वास्थ्य मन्त्रालयले जनाएको छ । यो सँगै मुलुकमा कोरोना संक्रमितको संख्या सय नाँघेको छ ।

आज दुई संक्रमितको संख्या थपिएसँगै कोरोना संक्रमितको संख्या १०१ पुगेको हो । मन्त्रालयका सह–प्रवक्ता डा. समिरकुमार अधिकारीका अनुसार आज राष्ट्रिय जनस्वास्थ्य प्रयोगशालामा भएको परीक्षण अनुसार कपिलवस्तुका दुई जनामा कोरोना पोजेटिभ देखिएको हो ।

कपिलवस्तु ८ निवासी उनीहरु १६ र २२ वर्षका पुरुष रहेको मन्त्रालयले जनाएको छ । उनीहरुको अवस्था सामान्य रहेको मन्त्रालयले जनाएको छ ।