त्रिनगर नाकाबाट सीमामा अलपत्र नेपालीलाई भित्र्याइँदै

धनगढी । सुदुरपश्चिमको त्रिनगर नाकाबाट नेपाल प्रवेश गर्ने नेपालीलाई नेपाल भित्र्याईदैछ । सुदुरपश्चिमका ९ वटै जिल्लामा ५०० बढी नेपाली अलपत्र रहेकोमा उनीहरुलाई आजबाट नेपाल भित्र्याइन लागेको हो ।

सिमानाकामा अलपत्र परेका सबैलाई सम्बन्धित जिल्लामा पठाइने बताइएको छ । भारतको पलियालगायतका ठाउँमा रहेका नेपालीहरु सिमा क्षेत्रमा आएर बसेका थिए ।

धनगढी उपमहानगरपालिकाका नगर स्वास्थ्य इन्चार्ज लक्ष्मीराज जोशीले सिमामा अलपत्र परेकाहरुको स्वास्थ्य परीक्षण पश्चात उनीहरुलाई आ–आफ्ना जिल्लामा पठाइने बताए ।

त्यस्तै नेपालतिर रहेका भारतीय नागरीकलाई पनि आजै भारत पठाईंदै छ । नेपाल–भारत सरकारका सुरक्षाकर्मी तथा प्रशासनको समन्वयमा दुई देशका सिमामा रहेका नागरीकलाई आ–आफ्ना देशमा छिर्ने अवसर दिइएको हो ।