झापामा थप एक जनामा कोरोना संक्रमण पुष्टि, नेपालमा संक्रमितको संख्या ३५८ पुग्यो

काठमाडौं । झापामा थप एक जनामा कोरोना संक्रमण पुष्टि भएको छ ।

शनिबार भारतबाट लुकिछिपी नेपाल भित्रिएका झापाका एक मजदुरमा कोभिड–१९ को संक्रमण पुष्टि भएको जिल्ला स्वास्थ्य कार्यालय, झापाका फोकल पर्सन जीवन चम्लागाईंले बताए ।

ती युवालाई विराटनगरस्थित कोभिड अस्पतालमा पठाइएको उनले बताए ।

योसँगै झापामा कोरोना संक्रमितको संख्या तीन पुगेको छ । यसअघि झापामा दमक नगरपालिका र बाह्रदशी गाउँपालिकाका एक÷एक जनामा कोरोना संक्रमण पुष्टि भएको थियो ।

नेपालमा कोरोना संक्रमितको संख्या ३५८ पुगेको छ ।