काेराेना अपडेटः नेपालमा संक्रमितको संख्या ४२७ पुग्यो

काठमाडौं । नेपालमा कोरोना संक्रमितको संख्या ४२७ पुगेको छ । आज (बुधबार) थप २५ जनामा कोरोना पुष्टि भएसँगै संक्रमितको संख्या ४२७ पुगेको हो ।

पछिल्लो संक्रमित २५ जनामध्ये ७ जना महिला र १८ जना पुरुष छन् । त्यस्तै तीन वर्षीया बालक पनि संक्रमित भएका छन् । बाँकेका ६ जना पुरुषहरु, धनकुटामा ५ जना, कपिलवस्तुमा १३ जना संक्रमित थपिएका छन् । त्यस्तै नवलपरासी पश्चिममा एक जना २६ वर्षीय पुरूष पनि संक्रमित भएका छन् ।

नेपालमा हालसम्म कोरोना संक्रमणबाट २ जनाको मृत्यु भएको छ भने ४५ जना उपचारपछि निको भइसकेका छन् । आज थप ८ जना डिस्चार्ज भएसँगै निको हुनेको संख्या ४५ पुगेको हो ।