कोरोना संक्रमितलाई अस्पताल लैजान खोज्दा झडप, प्रहरीद्वारा हवाई फायर

रौतहट । रौतहटमा कोरोना भाइरस (कोभिड १९) संक्रमितलाई अस्पताल लैजाँदै गर्दा स्थानीयले रोक्न खोजेपछि प्रहरीले हवाई फायर फायर गरेको छ ।

जिल्लाको इशनाथ नगरपालिका–७ मा कोरोना भाइरस संक्रमितलाई आइसोलेसनमा लैजानका लागि पुगेको प्रहरी र स्वास्थ्यकर्मीलाई स्थानीयले रोक्न खोजेपछि प्रहरीले १२ राउण्ड हवाई फायर गरेको हो ।

इशनाथ नगरपालिका–७ को जोकाहास्थित अनवारुल इस्लामिक मदरसाको क्वारेन्टाइनमा राखिएका २ व्यक्तिलाई आइसोलेसनमा लैजाँदै गर्दा त्यहीँ राख्न माग गर्दै स्थानीयले अवरोध गरेपछि स्थिति नियन्त्रणमा लिन हवाई फायर गरिएको रौतहट प्रहरीले जनाएको छ ।

आक्रोशित स्थानीयले प्रहरीको गाडीमा तोडफोड समेत गरेका छन् । अहिले स्थिती सामान्य रहेको रौतहट प्रहरीले जनाएको छ ।