संक्रमणको नयाँ केस फेला परेपछि दक्षिण कोरियाले फेरि बन्द गर्यो २५१ विद्यालय

काठमाडौं । दक्षिण कोरियामा कोरोना भाइरस (कोभिड १९) संक्रमणको नयाँ केस फेला पर्न थालेपछि २५१ वटा विद्यालय बन्द गरिएको छ ।

संक्रमण घट्दै गएपछि केही दिन पहिले विद्यालय खोलिएको थियो । सिओलमा रहेका बीबीसी संवाददाता लारा बिकरका अनुसार गएको २४ घण्टामा त्यहाँ ५६ नयाँ केस देखिएको छ । योभन्दा अघि हिजो ७९ नयाँ केस देएिको थियो ।

संक्रमणबाट डरका कारण २५१ वटा विद्यालयहरु बन्द गरिएको हो । कतिपय विद्यालयहरुले महामारीपछि खोल्ने योजना नै रद्द गरेका छन् ।