सगरमाथाको उचाइ नेपाल र चीनले संयुक्त रुपमा सार्वजनिक गर्ने
मकालु खबर
काठमाडौं । विश्वकै सर्वोच्च शिखर सगरमाथाको उचाई मापन गरेका नेपाल-चीनले संयुक्तरुपमा सार्वजनिक गर्ने भएका छन् । नेपालका लागि चिनियाँ राजदूत होउ यान्छीले सगरमाथाको उचाइ नेपाल र चीनले संयुक्त रूपमा सार्वजनिक गर्ने बताएकी हुन् ।
राजदूत होउले ट्विट गर्दै दुबै मुलुकले संयुक्त वक्तव्यमार्फत सगरमाथाको उचाई संयुक्तरुपमा घोषणा गर्ने जनाएकी छन् । चिनियाँ सर्वेयरले पनि सगरमाथाको चुचुरोमा पुगेर सगरमाथाको नाप लिएको उनको भनाई छ ।
उनले ट्वीटरमा फोटो पोस्ट गरेर २७ मे २०२० मा चिनियाँ सर्वेयर टोली सगरमाथाको चुचुरोमा पुगेको बताइन् । उनले सगरमाथाको शिखरमा पुग्न सफल सर्भे टोलीलाई बधाईसमेत दिएकी छन् ।
Congratulations to both Chinese and Nepali teams for successfully reaching the summit of Mt. Zhumulangma/Sagarmatha, the eternal symbol of the friendship between 🇨🇳 & 🇳🇵. Both countries will jointly announce the height later according to the joint statement. pic.twitter.com/R2gX0w4nQy
— Ambassador Hou Yanqi (@PRCAmbNepal) May 28, 2020
‘सफलतापूर्वक सगरमाथाको चुचुरोमा पुगेका चिनियाँ र नेपाली टीमलाई बधाई । सगरमाथा दुवै देशको मित्रताको संकेत हो । दुवै देशले संयुक्त रूपमा सगरमाथाको उचाइ संयुक्त वक्तव्य मार्फत सार्वजनिक गर्नेछ’, यान्छीले भनेकी छिन् । नेपालले गत वर्ष नै सगरमाथाको नाप लिइसकेको छ ।
सगरमाथाको उचाई नाप्नका लागि चिनियाँ टोली २७ मे, २०२० मा शिखर पुगेको थियो भने २२ मे, २०१९ मा नेपाली सर्भेयरको टोली शिखरमा पुगेको थियो ।
मकालु खबर
