९४ जना गर्भवतीसहित १४८ नेपाली बोकेर यूएईबाट उड्यो नेपाल एयरलाइन्स

काठमाडौं । संयुक्त अरब इमिरेट्स (यूएई)बाट एकसय ४८ जना नेपाली कामदार बोकेर नेपाल एयरलाइन्सको उडान बिहान उडेको छ । कोभिड-१९ का कारण समस्यामा परेका नेपालीहरु बोकेर नेपाल एयरलाइन्सको उडान नम्बर आरए २२९२ त्रिभुवन विमानस्थलको लागि उडेको हो ।

नेपाल आउने यात्रुमध्ये १०१ जना महिला र ४७ जना पुरुष छन् । जसमा ९४ जना महिला गर्भवती छन् । यूएईबाट अलपत्र नेपालीलाई फिर्ता पठाएको यो दोश्रो पटक हो । स्वदेश फिर्नुअघि विमानस्थलमै कोरोनाको परीक्षण गरिएको थियो ।