पाल्पामा पहिरोले बगायाे ४ सवारीसाधन, २ जनाको शव फेला

बुटवल । पाल्पाको तानसेनमा सोमबार दिउँसो सवारीसाधन पहिरोमा पुरिएको छ । तानसेन–गुल्मी सडक खण्डअन्तर्गत पाल्पाको तानसेन नगरपालिका–११ स्थित सम्मेबारी भन्ने स्थानमा गएको पहिरोमा ४ वटा सवारी साधन पुरिएका हुन् ।

प्रदेश प्रहरी कार्यालय बुटवलका अनुसार नगरपालिकाले खन्दै गरेको नयाँबाटोमा पहिरोले एउटा कार, एउटा जिप, मिनी ट्रक र पानी बोक्ने ट्यांकर पुरिएको हो । सवारीसाधन पुरिएको उक्त स्थानबाट २ वटा शव समेत भेटिएको छ ।

पुरिएका सवारी साधनमा यति नै मान्छे थिए भन्ने एकिन भइसकेको छैन । अहिले घटनास्थलमा पुगेका नेपाली सेना, सशस्त्र प्रहरी र नेपाल प्रहरी सहित उद्धारकर्मीहरुले पहिराे हटाउने काम सुरू गरेका छन् । घटनाबारे थप विवरण आउन बाँकी छ ।