भरतपुर अस्पतालमा उपचाररत कैलालीका कोरोना संक्रमितको मृत्यु

चितवन । कोरोना संक्रमित एक जनाको चितवनमा उपचारका क्रममा शनिबार मृत्यु भएको छ । कैलालीको गोदावरी नगरपालिका ७ का ५० बर्षिय पुरुषको विहान ७ बजे भरतपुर अस्पतालको आइसियू कक्षमा मृत्यु भएको हो ।

उनी फोक्सोको क्यान्सरका विरामी थिए । स्वासप्रश्वासमा समस्या देखिएपछि उनलाई आइसोलेशन वार्ड बाट आइसियूमा सारिएको थियो । चितवनमा मेडिकल कलेजमा उपचाररत उनलाई बिहिबार राती कोरोना संक्रमण पुष्टि भएको थियो ।

कोरोना पुष्टि भएपछि उनलाई भरतपुर अस्पताल सारिएको थियो । यसअघि भरतपुर महानगरपालिका ११ का कोरोना संक्रमितको मृत्यु भएको थियो ।