होम क्वारेन्टाइनमा बसेकालाई कोरोना पुष्टि
मकालु खबर
२०७७ असार २५ गते
चितवन। चितवनमा घरकै क्वारेन्टिनमा बसेका एक पुरुषमा कोरोना सङ्क्रमण रहेको पुष्टि भएको छ ।
भरतपुर अस्पताल कोभिड–१९ प्रयोगशालामा गरिएको परीक्षण रिपोर्टमा भरतपुर–१६ का ३७ वर्षीय पुरुषमा कोरोना पोजेटिभ रहेको पुष्टि भएको हो । ती पुरुष कतारबाट आएर आफ्नै घरमा ‘होम क्वारेन्टिन’ बसिरहेको भरतपुर अस्पतालका प्रमुख मेडिकल सुपरिटेन्डेन्ट डा. श्रीराम तिवारीले जानकारी दिए ।
यहाँको प्रयोगशालामा बिहीबार १५९ जनाको स्वाब नमुना परीक्षण गरिएका थिए । बाँकी सबै नेगेटिभ आएको प्रयोगशाला प्रमुख डा. नीतु अधिकारीले जानकारी दिइन् ।
मकालु खबर
२०७७ असार २५ गते
प्रतिक्रिया
सम्बन्धित