सिभिल मलका व्यवसायीहरुले भाडा तिर्न नसकिने भन्दै बुझाए चाबी
मकालु खबर २०७७ असार २६ गते
सञ्चालकलाई चाबी बुझाएका सिभिल मलका व्यवसायीहरु–
काठमाडौं । सिभिल मलमा विभिन्न व्यवसाय गरेर बसेका व्यवसायीहरुले भाडा तिर्न नसकेको भन्दै सञ्चालकलाई चाबी बुझाएका छन् ।
बन्दाबन्दीकालीन भाडा छुटको माग गर्दै आएका व्यवसायीहरुले सञ्चालकसँगको छलफल निष्कर्षविहीन भएपछि चाबी सञ्चालक लालकाजी गुरुङलाई बुझाएका हुन् ।
आफूहरुको आग्रह सञ्चालकले लगातार अस्वीकार गरेपछि आफूसहित १०५ जनाले सञ्चालकलाई नै चाबी बुझाएको सिभिल मल व्यापार संघका अध्यक्ष रत्न घिमिरेले बताए ।
“व्यापार हुँदैन । ८ लाख भाडा तिर्नेको २५ हजारको व्यापार भएको छैन । भाडा कसरी तिर्ने ?” चाबी बुझाएपछि अध्यक्ष घिमिरेले भने ।
मकालु खबर २०७७ असार २६ गते
प्रतिक्रिया
सम्बन्धित
