किमकी बहिनी जोङ भन्छिन्, ‘अमेरिकासँगको शिखर सम्मेलन असम्भव’
मकालु खबर
एजेन्सी । उत्तर कोरियाका सर्वोच्च नेता किम जोङ उनकी बहिनी किम यो जोङले अमेरिकासँग यसवर्ष हुने अपेक्षा गरिएको शिखर सम्मेलन असम्भव रहेको बताएकी छिन् ।
अमेरिकी राष्ट्रपति डोनल्ड ट्रम्पसँगको छलफलले उत्तर कोरियालाई केही फाइदा नहुने भएकाले उनीसँग उच्चस्तरीय वार्ता गर्नु अर्थहिन भएको किम यो जोङले बताएकी छिन् ।
यद्यपि उनले भनेकी छिन्, ‘तर पनि, भविष्यमा के हुन्छ थाहा छैन ।’ उनको यो बोलीले सम्मेलन हुने संकेतसमेत दिएको केसीएनले जनाएको छ ।
केसीएनएमा आफ्ना भनाइ राख्दै किम यो जोङले ‘आणविक कूटनीति’ जीवितै राख्न वासिङ्टनबाट छुट प्रदान हुनुपर्ने बताएकी छिन् ।
“अझै पनि पनि केही आश्चार्य हुनसक्छ । त्यो दुई मुख्य नेताको सहमति र निर्णयमा निर्भर गर्छ ।’ जोङलाई उदृत गर्दै केसीएनले लेखेको छ । जोङ उनका दाई किम जोङ उनका विश्वास पात्र मानिन्छन् ।
उनलाई किमपछि उत्तर कोरियको उत्तराधिकारीको रुपमा हेरिएको छ । दक्षिण कोरियाले हालै अमेरिकी राष्ट्रपति ट्रम्प र उत्तर कोरियाली नेता किम जोङ उनबीच अर्को शिखर वार्ता हुनुपर्ने बताएका थिए ।
यसअघि दक्षिण कोरियाकै मध्यस्थतामा किम र ट्रम्पबीच दुईपटक शिखर वार्ता भइसकेको छ । सन् २०१८ मा सिंगापुर र सन् २०१९ मा भियतनाममा किम र ट्रम्पबीच वार्ता भएको थियो ।
मकालु खबर
