कोरोना संक्रमित अभिनेत्री ऐश्वर्या छोरी आराध्यासँगै भर्ना भइन् अस्पताल
मकालु खबर
२०७७ साउन ३ गते
काठमाडौं । बलिवुड अभिनेत्री ऐश्वर्या राय बच्चन आफ्नी छोरी आराध्यासहित अस्पताल भर्ना भएकी छन् ।
असार २८ गते आइतबार कोरोना संक्रमण पुष्टि भएकी ऐश्वर्या र उनकी छोरी आराध्या अहिलेसम्म घरमै आइसोलेसनमै बसिरहेकी थिइन् । तर गएराति उनीहरु मुम्बईस्थित ननावती अस्पताल भर्ना भएको भारतीय समाचार एजेन्सी एएनआइले जानकारी दिएको छ ।
यो अस्पतालमा यसअघि नै अमिताभ बच्चन र अभिषेक बच्चन भर्ना भइसकेका छन् । उनीहरुमा पनि कोरोनाभाइरस संक्रमण देखिएपछि अस्पताल भर्ना गरिएको थियो । परिवारमा जया बच्चनलाई भने रिपोर्ट निगेटिभ देखिएको थियो ।
मकालु खबर
२०७७ साउन ३ गते
प्रतिक्रिया
सम्बन्धित