महालक्ष्मी विकास बैङ्कको प्रमुख कार्यकारी अधिकृतमा सागर शर्मा

काठमाडौँ । महालक्ष्मी विकास बैङ्कको प्रमुख कार्यकारी अधिकृतमा सागर शर्मा नियुक्त भएका छन् ।

रिक्त रहेको प्रमुख कार्यकारी अधिकृत पदमा श्रावण २ गतको सञ्चालक समितिको निर्णय अनुसार बैङ्कका वरिष्ठ नायव प्रमुख कार्यकारी अधिकृत शर्मा कायममुकायम प्रमुख कार्यकारी अधिकृतको रूपमा नियुक्त गरेको हो ।

बैङ्कले नवनियुक्त प्रमुख कार्यकारी अधिकृत शर्मालाई आज एक कार्यक्रमका बिच स्वागत गरेको छ ।

उक्त कार्यक्रममा संस्थाका नियुक्त कायममुकायम प्रमुख कार्यकारी अधिकृत शर्माले बैङ्क प्रतिको जनविश्वास, निष्ठा कायम राख्दै गुणस्तरीय सेवा प्रदान गर्न सदा तत्पर रहने प्रतिवद्धता जनाएका छन् ।

त्यसै गरी उनले बैङ्कको लक्ष्य र उद्देश्य प्राप्तिका लागि आफू साथसाथै सम्पूर्ण कर्मचारीलाई प्रयत्नशील रहन पनि आग्रह गरेका छन् ।