राप्तीमा जलसतह बढ्यो, तटीय क्षेत्र र सौराहमा खतरा
मकालु खबर
काठमाडौं । लगातारको वर्षाका कारण राप्तीमा पानीको बहाब बढेको छ । पूर्वी राप्ती जलाधारको रजैया बाढी मापन केन्द्रमा जलसतह सतर्कता आसपास पुगेकोले सतर्कता अपनाउन आग्रह गरिएको छ ।
जल तथा मौसम विज्ञान विभागले बहाव बढेकाले तल्लो तटीय क्षेत्र र चितवनको सौराह आसपासका बासिन्दालाई सतर्कता अपनाउन आग्रह गरेको हो । राप्तीको प्रभाव राप्ती नगरपालिका, खैरहनी नगरपालिका र रत्ननगरपालिकाका विभिन्न क्षेत्रमा समेत पर्दछ ।
पूर्वी राप्ती जलाधार रजैया मापन केन्द्रका अनुसार, बिहान ६ः३० बजेसम्म नदीको जल सतह ३.२५ मिटर रहेको छ । उक्त नदीको जल सतह ३.३० मिटर सतर्कता तह हो भने ३.७० मिटर खतराको तह हो ।
श्रावण ६, बिहान ६:२०#अलर्ट #SMS
पूर्वी राप्ती जलाधारको रजैया बाढी मापन केन्द्रमा जलसतह सतर्कता आसपास पुगेको र बढ्दो रहेकाले तल्लो तटीय क्षेत्र र चितवनको सौराह आसपास रहनुहुनेहरू दिउँँसो सम्म सतर्क रहनुहोला @NDRRMA_Nepal @NEOCOfficial pic.twitter.com/mrHzPZVmB8— Nepal Flood Alert! नेपाल बाढी सूचना! (@DHM_FloodEWS) July 21, 2020
मकालु खबर
