कोरोनाले रोकिएको कक्षा १२ को परीक्षा असोज पहिलो सातादेखि, एक महिनामा नै नतिजा

काठमाडौं । कोरोनाको कारणले रोकिएको कक्षा १२ को परीक्षा असोज महिनाको पहिलो सातादेखि हुने भएको छ । सरकारले घोषणा गरेको लकडाउन अन्त्य भएपछी राष्ट्रिय परीक्षा बोर्डले परीक्षा सञ्चालनको तालिका बनाउन सुरु गरेको छ ।

परीक्षा असोज महिनाको दोस्रो सातामा सक्ने गरी तालिका प्रकाशन गरिने भएको छ । परीक्षा सकिएको १ महिना भित्र नतिजा सार्वजनिक गर्ने योजना बोर्डको छ । यसैगरि बोर्डले कक्षा ११ को परीक्षा सम्बन्धित विद्यालयहरुले नै लिने गरी कार्यविधि समेत सार्वजनिक गरेको छ । कक्षा १२ को परीक्षामा ४ लाख ३० हजार विद्यार्थी सहभागी हुँदैछन् ।