आज जेलमुक्त हुँदै पूर्व डीआइजी कोइराला

काठमाडौं । पूर्व डीआइजी रञ्जन कोइराला आज जेलभुक्त हुँदै छन् ।

सर्वोच्च अदालतको आदेशपछि ८ वर्ष ६ महिना कैद सजाय भुक्तान गरेर पूर्वसशस्त्र प्रहरी नायब महानिरीक्षक कोइराला जेलमुक्त हुने भएका हुन् ।

डिल्लीबजार कारागार प्रशासनले कोइरालालाई थुनामुक्त गर्दैछ । सर्वोच्च अदालतको पत्र प्राप्त भइसकेकाले कोइरालालाई थुनामुक्त गर्न कागजी प्रक्रिया शुरु गरिएको जेलर गणेश आचार्यले बताए ।

सर्वोच्च अदालतले १५ असारमा कोइरालाको सजाय घटाउँदै ८ वर्ष ६ महिना कायम गरेको थियो । श्रीमती गीता ढकालको हत्या गरेको मुद्दामा प्रधानन्यायाधीश चोलेन्द्रशमशेर जबरा र तेजबहादुर केसीको इजलासले सजाय घटाउने फैसला गरेको थियो ।