मेलम्ची पहिरोमा पुरिएका ८ जनाकै शव भेटियो (मृतकको नामावलीसहित)

काठमाडौँ । सिन्धुपाल्चोकको मेलम्ची–११ गैराबजारमा पहिरोमा पुरिएका ८ जनाकै शव भेटिएको छ ।

आइतबार बिहान साढे ३ बजेतिर गएको पहिरोले निर्माणाधिन कभर्ड हल पुरिँदा ९ मजदुर पुरिएका थिए । एक भारतीय नागरिक बारु साहको जिवितै उद्धार गरिएको थियो भने अन्य ८ जनाको शव भेटिएको हो ।

मृतकहरुमा वीरगञ्जका ३५ वर्षे प्रदीप चौरसिया, २१ वर्षका राजेश चौधरी, २५ वर्षका विक्रम थिंग, २३ वर्षका मानबहादुर रुम्बा, २० वर्षका सिमन घ्लान, २१ वर्षका शिव बालक धामी, १७ वर्षका सोनम लामा र ४२ वर्षीय भारतीय नागरिक राजेन्द्र चौरसिया रहेका छन् ।

स्थानीय बासिन्दा, नेपाली सेना, नेपाल प्रहरी र सशस्त्र प्रहरीले उनीहरूकाे खाेजी गरेका थिए ।