सप्तरीमा एक साताका लागि निषेधाज्ञा

सप्तरी । जिल्ला प्रशासन कार्यालय सप्तरीले एक साताका लागि निषेधाज्ञा जारी गरेको छन् ।

कोरोना भाइरस (कोभिड १९) संक्रमितको संख्या दिन प्रतिदिन बढ्दै गएका कारण यसको रोकथाम तथा नियन्त्रणका लागि मंगलबार बिहान ५ बजेदेखि लागू हुने गरी एक साताका लागि निषेधाज्ञा जारी गरिएको प्रमुख जिल्ला अधिकारी शंकरहरि आचार्यले जानकारी दिए ।

निषेधाज्ञा आगामी साउन २० गते बिहान ५ बजेदेखि साउन २६ गते साँझ ५ बजेसम्म जारी रहने छ । निषेधाज्ञाको समयमा अति आवश्यकबाहेक अन्य सबै काम बन्द हुने र जथाभावी हिंडडुल गर्नेलाई कानुनी कारबाही हुनेछ ।

हालसम्म सप्तरीमा कोरोना संक्रमण पुष्टि हुनेको संख्या कूल ५ सय ३१ जना पुगेको छ । कोरोनाका कारण एकजनाको मृत्यु भइसकेको छ ।

प्रतिक्रिया

Leave a Reply

Your email address will not be published. Required fields are marked *