अन्तर्वार्ता स्थगित भएको सहसचिवको परीक्षा रद्द, पुनः लिखित परीक्षा गरिने

काठमाडौं । लोक सेवा आयोगले अन्तर्वार्ता स्थगित भएको सहसचिवको परीक्षा रद्द गरेको छ । आयोगको बिहीबार बसेको बैठकले राजपत्राङ्कित प्रथम श्रेणी विविध सेवा तर्फ सूचना प्रविधि विज्ञ पदको स्थगित गरिएको अन्तर्वाता परीक्षा रद्ध गरेको हो ।

विज्ञापन नम्बर १७१६७/०७६–०७७ को उक्त विज्ञ पदको पदपूर्तिका लागि सञ्चालित लिखित परीक्षाबाट अन्तर्वार्ताका लागि छनौट भएका उम्मेदवारहरूको पूर्वनिर्धारित अन्तर्वार्ता कार्यक्रम यसअघि नै स्थगन भइसकेको थियो ।

सो विज्ञापनमा दरखास्त स्वीकृत भएका उम्मेदवारहरू मात्र सम्मिलित हुने गरी पुनः लिखित परीक्षा सञ्चालन गर्न नयाँ परीक्षा कार्यक्रम पछि प्रकाशन गरिने आयोगले जनाएको छ ।

अन्तर्वार्ताकै दिन केही घण्टा अघि मात्रै आयोगले अर्को सूचना प्रकाशन नभएसम्मका लागि परीक्षा स्थगन गरेको थियो ।

सुचना :