धरानमा छुट्टाछुट्टै घटनामा दुई युवा पक्राउ
मकालु खबर
धरान । धरानस्थित चारकोशे झाडीमा निगुरो टिप्न गएकी एक महिलामाथि यौन दुर्व्यवहार गर्ने युवालाई प्रहरीले सार्वजनिक गरेको छ ।
यौन दुर्व्यवहारको आरोपमा ३३ वर्षीय तेजकुमार राजधामीलाई इलाका प्रहरी कार्यालय धरानले पक्राउ गरेर सार्वजनिक गरेको हो ।
५५ वर्षीया ती महिलालाई उनले धारिलो हतियार खुकुरी देखाई जबरजस्ती करणी गर्न खोजेको इलाका प्रहरी कार्यालय धरानका डिएसपी ज्ञानेन्द्र बस्नेतले जानकारी दिए ।
पीडितले कानमा लगाएको सुनको कुन्डल र नाकमा लगाएको सुनको फुली लुछी चोरी गरी भागी फरार भएको भनी पीडितले दिएको सूचनाको आधारमा तत्कालै पक्राउ गरिएको उनले जानकारी दिए ।
राजधामीको घरबाटै नियन्त्रणमा लिई पीडित र राजधामीको शारीरिक परीक्षण हिजै बेलुका गरी जबरजस्ती करणी उद्योग तथा चोरी मुद्दामा अनुसन्धान भइरहेको उनले बताए ।
यसैबीच सुनसरीकै धरान उपमहानगरपालिका वडा नं. २० बिष्णुपादुकाबाट लागुऔषध गाजा सहति एक् जनालाई पक्राउ गरिएको छ ।
बिहान करिब साढे ११ बजेको समयमा धरान २० स्थित चोकमा चेकजाचको क्रममा खटिएको प्रहरी टोलीले धनकुटा पाख्रिबास नपा वडा नंं ८, मुंगा घर भएका २९ बर्षका संदीप राई लाई प्रक्राउ गरेको हो ।
राईलाई शंका लागी चेकजाँच गर्दा उनको साथमा रहेको २ वटा झोलामा ५ किलोग्राम गाजा फेला पारीएकोले इलाका प्रहरी कार्यलय धरानले जनाएको छ ।
पक्राउ परेका राइलाई हिजै राती स्वास्थ्य चेकजाच पछि अनुसन्धानको लागी ईलाका प्रहरी कार्यालय धरान राखी थप अनुसन्धान भई रहेको प्रहरीले जनाएको छ ।
मकालु खबर
