भरतपुर अस्पतालमा आकस्मिक बाहेकका सेवा बन्द
मकालु खबर २०७७ साउन ३२ गते
चितवन । भरतपुर अस्पतालको आकस्मिक बाहेकका सेवा बन्द गरिएको छ।
अस्पतालका प्रमुख मेडिकल सुपरिटेण्डेन्टलगायत चिकित्सक र स्वास्थ्यकर्मीमा कोरोना भाइरस (कोभिड–१९) सङ्क्रमण पुष्टि भएपछि अस्पतालको आकस्मिक बाहेकका सेवा हालका लागि बन्द गरिएको हो ।
अस्पताल प्रशासनले आइतबार विज्ञप्ति जारी गर्दै साँझ अर्को सूचना जारी नभएसम्मका लागि अन्य सेवाहरू बन्द गरिएको जनाएको छ ।
अस्पतालले जनरल ओपीडी सेवा बन्द गरी एकीकृत आकस्मिक सेवा मार्फत बिरामीको उपचार गरिने जनाएको छ ।
यस्तै सघन कक्ष (आइसीयू) र प्रसूति गृह (मातृ शिशु सेवा) मा पनि नयाँ सेवा बन्द गरिएको छ ।
मकालु खबर २०७७ साउन ३२ गते
प्रतिक्रिया
सम्बन्धित
