इमेल सर्भिसमा समस्या

काठमाडौं । आज  जिमेल सेवामा समस्या आएको छ । जिमेलबाट केही पठाउन समस्या भइरहेको हो । थुप्रै देशका मानिसहरुले जि सुट सर्भिस विशेषगरी विश्वको सबैभन्दा लोकप्रिय इमेल सर्भिस जिमेल प्रयोगमा समस्या भोग्नुपरेको छ ।

जिमेल र गुगल ड्राइभमा समस्या देखिएको बारे जानकारी भएको कम्पनीले जनाएको छ । प्रयोगकर्ताले इमेल पठाउन त मिल्ने तर जब फाइल अट्याच गर्नुपर्छ तब अपलोड प्रक्रिया निकै ढिलो हुने, यदि यो पूरा भइहालेछ भने पनि नेटवर्कको समस्या देखाउँदै इरर मेसेज देखिने जस्ता समस्या देखा परेका छन् । समस्याबारे अनुसन्धान भइरहेको र चाँडोभन्दा चाँडो समस्या समाधान गर्ने जानकारी दिइएको छ ।