आज मात्रै ९ जना कोरोना संक्रमितको मृत्यु

काठमाडौं । पछिल्लो २४ घन्टामा कोरोनाबाट ९ जनाको मृत्यु भएको छ । आज सुनसरी, पर्सा, बारा, सिरहा, मकवानपुर तथा भक्तपुरमा कोरोना संक्रमितको मृत्यु भएको छ ।

सुनसरीमा ६ बर्षिय बालिका सहित ६७ वर्षिय पुरुषको निधन भएको छ । भने, पर्सामा तीन जनाको निधन भएको छ ।

उनीहरु ६१, ५८ र ४८ वर्षिय पुरुष रहेको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जनाएका छन् ।
यसैगरी बारामा ५८ वर्षिय एक पुरुषको पनि निधन भएको छ । सिराहामा ६८ वर्षिय पुरुषको कोरोना संक्रमणबाट निधन हुँदा भक्तपुरमा पनि ७३ वर्षिय पुरुषको निधन भएको स्वास्थ्य तथा जनसंख्या मन्त्रालयले जनाएको छ ।

योसँगै नेपालमा कोरोना संक्रमणबाट मृत्यु हुनेको संख्या १४६ पुगेको छ । नेपालमा कोरोना संक्रमण पछि रिकभर हुनेको दर ५९ प्रतिशत रहेको छ ।