काेराेना संक्रमणबाट प्रति १५ सेकेन्डमा १ जनाकाे मृत्यु !

काठमाडौं । हरेक २४ घण्टामा कोभिड-१९ बाट ५ हजार मानिसको ज्यान गइरहेको बताइएको छ । समाचार एजेन्सी रोयटर्सका अनुसार शुक्रबारसम्म लिइएको पछिल्लो दुई हप्ताको आँकडाका आधारमा यो नतिजा निकालिएको हो ।

यस हिसाबले हेर्ने हो भने एक घण्टामा २४६ र प्रति १५ सेकेन्ड एक व्यक्तिको मृत्यु भइरहेको छ ।

राेयटर्सका अनुसार हालसम्म विश्वभर ८ लाख बढीकाे काेराेना संक्रमणबाट मृत्यु भएकाे छ । अमेरिका, ब्राजिल र भारतमा धेरैकाे मृत्यु भएकाे छ ।