स्वास्थ्यकर्मी, प्रहरी र एम्बुलेन्स चालकलाई सम्मान

चितवन । कोरोना संक्रमण पुष्टि भए पछि स्वास्थ्यकर्मीहरुलाई अपहेलना गरिरहेका समाचार सार्वजनिक भइ रहेका छन् । तर कालिका नगरपालिकामा स्वास्थ्यकर्मी, प्रहरी र एम्बुलेन्स चालकलाई सम्मान गरिएको छ ।

स्वाब संकलनका लागि आएका स्वास्थ्यकर्मी, प्रहरी र एम्बुलेन्स चालकलाई कालिका नगरपालिका वडा नम्बर ६ को वडा कार्यालयले सोमबार स्वागत तथा सम्मान गरेको हो । सो वडामा एक जनालाई कोरोना संक्रमण पुष्टि भए पछि उनको सम्पर्कमा रहेकाहरुको स्वाब संकलनका लागि उनीहरु आएका थिए ।

कालिका ६ क्लब चोक टोलमा एक पुरुषलाई भदौ ५ गते कोरोना संक्रमण पुष्टि भएको थियो । अहिले सो टोल सिल गरिएको छ ।

कोरोना संक्रमण नियन्त्रणमा खटिएका स्वास्थ्यकर्मी, प्रहरी, एम्बुलेन्स चालकको हौसलाका लागि खादा र टीका लगाएर सम्मान गरिएको वडा अध्यक्ष विनोद रेग्मिले बताए ।

वडा अध्यक्षसहित वडा सदस्यहरुले उनीहरुलाई स्वागत तथा सम्मान गरेका थिए ।