भोलि काठमाडौका यी ठाउँमा बिजुली आउँदैन, हेर्नुहोस् नाम सहित

काठमाडौं । काठमाडौं उपत्यकाका केही ठाउँमा भोली (शनिबार) बिजुली आपूर्ति बन्द हुने भएको छ । नेपाल विद्युत प्राधिकरण बालाजु वितरण केन्द्रअन्तर्गत पर्ने काठमाडौं महानगरपालिकाका वडा नम्बर १५, १६ र तारकेश्वर नगरपालिकाका केही स्थानमा शनिबार बिहान ९ बजेदेखि दिउँसो ३ बजेसम्म बिजुली आपूर्ति बन्द हुने भएको हो ।

वनस्थली, गंगाहल, माछापोखरी, बालाजु बाइपास, वसन्तनगर, न्यायिक प्रतिष्ठान, मनमैजु, लोकतान्त्रिक चोक, इन्द्रायणीपुलसम्मको क्षेत्रमा विद्युत् आपूर्ति बन्द हुने विद्युत प्राधिकरणले जनाएको छ । त्यस क्षेत्रमा विद्युत् आपूर्ति गर्ने विष्णुमती फिडर भित्रको ११ केभी लाइन रिङरोड एरियामा सार्नु पर्ने भएकाल विद्युत् आपूर्ति बन्द हुने भएको हो ।