सुनको मूल्य वृद्धि, यस्तो छ बजार भाउ

काठमाडौँ । सुनचाँदीको मूल्य आज वृद्धि भएको छ । हिजो प्रतितोला सय रुपियाँ बढेको सुनको मूल्य आज पनि प्रतितोला ४ सय रुपियाँ बढेको छ । त्यसैगरी हिजो प्रतितोला ५ रुपियाँ बढेको चाँदीको मूल्य आज प्रतितोला १० रुपियाँ बढेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ९६ हजार ८ सय रुपियाँ, तेजावी सुनको मूल्य प्रतितोला ९६ हजार ३ सय रुपियाँ र चाँदी प्रतितोला १ हजार ३ सय २५ रुपियाँ निर्धारण गरिएको छ ।

हिजो भने छापावाल सुन प्रतितोला ९६ हजार ४ सय रुपियाँ, तेजावी सुन प्रतितोला ९५ हजार ९ सय रुपियाँ र चाँदी प्रतितोला १ हजार ३ सय १५ रुपियाँमा कारोबार भएको थियो ।