बझाङमा १२ वर्षीया बालिकाको बलात्कारपछि हत्या
![](https://www.makalukhabar.com/wp-content/uploads/2023/10/Final-icon-Logo-2023.png)
![बझाङमा १२ वर्षीया बालिकाको बलात्कारपछि हत्या](https://www.makalukhabar.com/wp-content/uploads/2020/09/rap-symbolic-photo_final-makalukhabar.jpg)
काठमाडौं । बझाङमा एक बालिकाको बलात्कारपछि हत्या भएको छ ।
त्यहाँस्थित मष्टा गाउँपालिका २ की १२ वर्षीया बालिका सम्झना कामीको बलात्कारपछि हत्या भएको गाउँपालिकाकी उपाध्यक्ष भगवती बोहराले मकालु खबरलाई जानकारी दिइन् ।
“गत ७ गतेको घटना हो । १२ वर्षीया कामीको बलात्कारपछि हत्या भएको कुरा आइरहेको छ । पोष्टमार्टम पनि भइसकेको छ ।” उपाध्यक्ष बोहराले मकालु खबरले राखेको जिज्ञासामा भनिन्, ‘अहिले अनुसन्धान जारी छ ।’
यस्तै उनले बताएअनुसार घटनामा संलग्न भएको आरोपमा सोही ठाउँका १८ वर्षीय राजेन्द्र बोहरालाई प्रहरीले नियन्त्रणमा लिएको छ ।
गत ७ गते बेलुका साढे ४ बजे खिकालाबाट गाइवस्तु बाँध्न सिमछानामा गएकी बालिकाको बलात्कारपछि हत्या भएको थियो ।
सुदुरपश्चिम प्रदेश प्रहरी कार्यालयका प्रवक्ता एसएसपी मुकेशकुमार सिंहले पनि आरोपित बोहरालाई नियन्त्रणमा लिएको पुष्टि गरे ।
सिंहका अनुसार घटनाको सम्बन्धमा बृहत् अनुसन्धान शुरु गरिएको छ ।
![](https://www.makalukhabar.com/wp-content/uploads/2023/10/Final-icon-Logo-2023.png)