शुक्रबार अपराह्न ५ बजेसम्म यी क्षेत्रमा विद्युत् लाइन काटिने

काठमाडौं । आज (शुक्रबार) दिउँसो १२ बजेदेखि अपराह्न ५ बजेसम्म ठिमी वितरण केन्द्रको विद्युत लाइन काटिने भएको छ । ठिमी वितरण केन्द्र अन्तर्गत पर्ने फिडर मर्मतसम्भार गर्नुपर्ने भएका कारण ५ बजेसम्म सटडाउन हुने नेपाल विद्युत प्राधिकरणले जनाएको छ ।

उक्त फिडर अन्तर्गत पाटिविहार, बप्पा महदेव, मध्येपुर हस्पिटल, नयबस्ती, राम मन्दिर, ददिकोट, गाम्चा , शिरुटार, चित्रपुर, बिरुवा, गुन्डु, घ्याम्पे डाँडा, बलकोट लगतका क्षेत्रहरु पर्छन् ।

सो कार्य निर्धारित समय अगावै सम्पन्न भएमा सो समय भन्दा अगावै लाइन सुचारु हुन सक्ने समेत प्राधिकरणले जानकारी गराएको छ ।