सुनचाँदीको मूल्य घट्यो, आज कारोबार कतिमा ?

काठमाडौँ । आज सुनचाँदीको मूल्य घटेको छ । सुन प्रतितोला ६ सय र चाँदी प्रतितोला १० रुपियाँ घटेको हो ।

नेपाल सुनचाँदी व्यवसायी महासंघका अनुसार आजका छापावाल सुनको मूल्य प्रतितोला ९३ हजार ३ सय रुपियाँ, तेजावी सुनको मूल्य प्रतितोला ९२ हजार ८ सय रुपियाँ र चाँदीको मूल्य प्रतितोला १ हजार १ सय ५० रुपियाँ निर्धारण गरिएको छ ।

गत साताको शुक्रबार भने छापावाल सुन प्रतितोला ९३ हजार ९ सय रुपियाँ, तेजावी सुन प्रतितोला ९३ हजार ४ सय रुपियाँ र चाँदी प्रतितोला १ हजार १ सय ६० रुपियाँमा कारोबार भएको थियो ।